حدیث نبوی

حدیث نبوی

ذخیرہ آخرت - حدیث نبوی

حضرت ابو ہریرہ رضی الله عنہ نے بیان کیا، رسول الله نے فرمایا - بندہ کہتا ہے میرا مال ہے میرا مال ہے جب کہ اسے اس کے مال میں سے تین ہی قسم کا فائدہ ہے - وہ مال جسے کھا کر ختم کر دیا یا جسے پہن کر پرانا کر دیا یا دوسرے کو عطا کر کے  ذخیرہ آ خرت کر لیا - اسس ک سوا تو وو سب کچھ دوسرے وارثوں کے  لئے چھوڑ جائے گا 

جنّت یا دوزخ

کون مجھ سے دعا کرتا ہے

ہم سے عبداللہ بن مسلمہ قعنبی نے بیان کیا انہوں نے امام مالک رضی اللہ عنہ سے انہوں نے ابن شہاب سے انہوں نے ابو سلمہ بن عبدالرحمٰن اور ابو عبداللہ اغر سے انہوں نے ابوہریرہ رضی اللہ عنہ سے کہ رسول اللہ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ نے فرمایا ہمارا پروردگار بلند اور برکت والا ہر رات کو جس وقت رات کا اخیر تیسرا حصہ رہ جاتا ہے پہلے آسمان پر اترتا ہے۔ ...فرماتا ہے کون مجھ سے دعا کرتا ہے میں قبول کروں، کون مجھ سے مانگتا ہے میں دوں کون مجھ سے بخشش چاہتا ہے، میں اس کو بخش دوں۔

خوشحالی کے اوقات میں زیادہ سے زیادہ دعا

حضرت ابوہریرہ رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا : جسے پسند ہو کہ اللہ تعالیٰ مشکلات اور تکالیف کے وقت اس کی دعا قبول کرے، وہ خوشحالی کے اوقات میں زیادہ سے زیادہ دعا کیا کرے۔

سب سے زیادہ اجر

وسلم نے فرمایا : ایک دینار وہ ہے جسے تم اللہ تعالیٰ کی راہ میں خرچ کرتے ہو، ایک دینار وہ ہے جسے تم مسکین پر صدقہ کرتے ہو اور ایک دینار وہ ہے جسے تم اپنے اہل خانہ پر خرچ کرتے ہو ان میں سب سے زیادہ اجر اس دینار پر ملے گا جسے تم اپنے اہل خانہ پر خرچ کرتے ہو۔

الحديث رقم 88 : أخرجه مسلم في الصحيح، کتاب : الزکاة، باب : فضل النفقة علي العيال والمملوک وإثم من ضيعهم أو حبس نفقتهم عنهم، 2 / 692 

دین کی سمجھ

سیدنا معاویہ رضی اللہ عنہ فرماتے ہیں کہ میں نے نبی کریم صلی اللہ علیہ وسلم کو یہ فرماتے ہوئے سنا ہے: اللہ جس کے ساتھ بھلائی کرنا چاہتا ہے اس کو دین کی سمجھ عنایت فرما دیتا ہے اور (نبی کریم صلی اللہ علیہ وسلم نے فرمایا کہ) میں تو صرف تقسیم کرنے والا ہوں اور دیتا تو اللہ ہی ہے اور یاد رکھو کہ یہ امت ہمیشہ اللہ کے حکم (دین) پر قائم رہے گی تو جو شخص ان کا مخالف ہو گا ان کو نقصان نہ پہنچا سکے گا یہاں تک کہ قیامت آ جائے۔
مختصر صحیح بخاری
حدیث نمبر : 64